Refrain

Barthelmarkt in Oberstimm, ja, da muass i hi‘,

Barthelmarkt in Oberstimm, des is was für mi‘.

Alle meine oid’n  Freind,

san‘ alle Jahr dabei.

Du glaubst as net, Du glaubst as net,

wia i mi‘ heit scho g’frei,

Du glaubst as net, Du glaubst as net,

wia i mi‘ heit scho g’frei.

A Rösserl hab‘ i heit‘ verkaft, so rund und gsund und schee.

Wenn’s a nimmer richtig laft, es konnt halt grad no geh‘.

Da Bauer schaut dem Ross in’s Maul und kratzt se hinter’m Ohr:

Schlag ei, schlag ei, schlag ei, schlag ei, sonst kommt Dir oana z’vor!

Schlag ei, schlag ei, schlag ei, schlag ei, sonst kommt Dir oana z’vor!

hier wieder Refrain (siehe oben)

Nacha geht’s ins Bierzelt nei auf a frische Maß.

I setz‘ mi zu der Lanzlin hi‘, da gibt’s an rießen Spaß.
Kellnerin is a scho da und fragt nach meim‘ Begehr:

Schenk ei, schenk ei, schenk ei, schenk ei, der Durst wird oiwai mehr.

Schenk ei, schenk ei, schenk ei, schenk ei, der Durst wird oiwai mehr.

hier wieder Refrain (siehe oben)

Auf d’letzt geht’s na an Festplatz naus und alle schaug’n mi o.

I hab‘ die allerliabste Maus, da is fei scho was dro‘.

Und wer’n de Bursch’n gar zu gach, was moanst wia i da schrei‘:

Hoit ei, hoit ei, hoit ei, des Dirnd’l is des mei!

Hoit ei, hoit ei, hoit ei, des Dirnd’l is des mei!